【on.cc東網巨星】無綫劇《全職沒女》依家熱播中，尋晚富豪（張兆輝飾）同麗晶（陳松伶飾）打網球一幕，仲收24.6點收視，好勁呀！而今晚嘅戲肉，就係講張兆輝同麗晶開始撻着！

今晚講到，警察接到線報，走去仲夏夜捉人，點知個犯逃走，富豪以身保護麗晶，陪伴富豪七年嘅志強覺得被忽視，搞到佢喪鬧富豪，仲自爆愛上咗富豪！嘩！唔通會有三角戀？

至於另一Pair，雋穎（張振朗飾）同繆思（陳瀅飾）都開始暗撻，繆思畀人叫去清理發生完凶案嘅客房，成間房都係血，搞到繆思勁唔舒服，點知雋穎主動幫手，令到繆思好意外！