【on.cc東網巨星】藝人賈思樂（Louie）與陳松伶（松松）接受TVB娛樂新聞台訪問，大談Louie入行四十年將舉行演唱會感受。Louie於專訪中，大讚松松愈來愈有女人味，而松松則大讚Louie為人細心，有無窮無盡嘅話題，更笑言有爸爸的感覺，十分慈祥，令Louie哭笑不得。

松松幾時開騷？
問到擔任嘉賓的松松有沒有打算再開騷時，她表示心中團火已經去咗另一邊，她說：「對上一次自己開騷已經係2012年嘅事，我好開心仲有好多朋友同歌迷經常問自己幾時開騷，同表示會等我開演唱會，對我嚟講係一件好Sweet嘅事，多謝大家仍然記得我同喜歡我，咁等我儲大啲團火先。」

以家庭為重

松松又說：「2012年當時仲係新婚階段，要學習兩家人嘅感受，經常要磨合，我就好似家庭事務所嘅CEO咁，初初覺得CEO呢份工好難做，但依家完全冇問題，上晒手。我諗我下一個十年都係以家庭為重，但我先生畀好大自由度我，有適合嘅時間或工作，我就會出去睇睇呢個世界係點。」