26 FEB 2018


勁唔自在!陳松伶黐假鬚做偵探

【on.cc東網巨星】藝人陳松伶與黃智賢出席無綫新劇《危城First Lady》拜神儀式,以查理卓別靈反串男裝示人的松松,被嘴唇上的一片假鬚搞到渾身不自在,全程說話也「就住講」。

松松透露故事圍繞2、30年代,內裏有多個造型,當中不乏靚衫靚裙,她謂:「今日個造型係參照『查理·卓別靈』,我係女版福爾摩斯,成日都破案,我從來冇做過呢啲角色,很多對白要背,之前《全職沒女》開工覺得好玩,今次就覺得嚴重困惑,唔知點先做得更加好,係一個大突破同挑戰。」

對於劇中有溝女戲份,松松笑指全為了破案才易服追求楊卓娜,沒料對方產生幻覺,誤以為她是男仔便愛上,更指對首次黐鬚感覺不習慣,她謂:「講對白十分唔慣,啲鬚好硬,我諗要黐埋返屋企練習。」而黃智賢則表示劇中與松松是主僕關係,雙方亦是繼多年前的兒童節目《閃電傳真機》後再合作,感覺得意。