剛為娘家完成劇集《全職沒女》的松松，趁返北京陪老公前，這天專登去社企學整餅，最大目的是跟老友Rebekah聚舊。當年只得9歲的松松，在教會跟Rebekah認識，「嗰時我哋成日約埋去游水、睇戲同露營，大家感情好好。」

老公是私人更生大使
之後兩人各自發展失去聯絡，年初分別接受同一刊物訪問，Rebekah主動跟松松聯絡，「見番松松當然覺得佢成熟咗好多，但無變嘅係佢嘅笑容同笑聲，都係咁真咁得意嘅。」從事餐飲業的Rebekah，本身亦有開設社企，松松覺得很有意義，亦不時到工場做義工，了解更生人士情況。

松松聽過更生人士重新出發的故事，不禁想起自己06年患抑鬱症時，「嗰陣完全封閉自己唔想見人，成個月都唔出街，好彩張鐸嗰時唔介意我咁嘅樣，一直支持我，講真佢要搵條件好過我嘅真係唔難，但係佢選擇喺我身邊，係佢令我重新出發，佢好似係我私人更生大使咁，有困難真係好需要其他人幫手，唔係好難走出困境。」