「驚走咗啲嘢出嚟」
事後Owen笑言第一次拍「裸露」鏡頭,十分驚青:「好似畀好多對眼非禮。(松松為你打氣?)佢一嗌令我更加驚!」提及驚現肥腩,他說:「之前去馬來西亞食得太多。(事前冇操弗?)專登唔操,仲食大個肚,咁先反高潮!今次大家見我咁肥,下次操咗肌再拍咪見到我嘅努力囉!」又搬於劇集《殭》半裸晒腩的吳業坤做擋箭牌:「佢冇操弗反而深受愛戴,我要抄佢博上位!」提到「凸」出雄風?Owen即強調做足打底措施:「我着咗幾條褲,都驚走咗啲嘢出嚟!」
松松則打趣地笑說:「佢唔會真係全裸,電視尺度都唔得啦!不過如果佢全裸,大家都會好開心!」談到老公知否她要與Owen拍濕身戲?松松即甜笑指老公經常探班,揚言對方是其精神支柱。